६ शहरमा महिन्द्रा ५७५ डीआई ‘युभो टेक प्लस’ ट्याक्टर सार्वजनिक

काठमाडौं । महिन्द्रा समूह अन्तर्गतको फार्म इक्विपमेन्ट सेक्टर (एफईएस) ले नेपालका मुख्य ६ वटा शहरमा ‘युभो टेक प्लस’ ट्याक्टर सार्वजनिक गरेको छ ।

महिन्द्राको नेपालस्थित डिलर अग्नि ग्रुपले सोमबार ग्राहकका लागि नयाँ ट्याक्टर मोडल युभो टेक प्लस ५७५ डीआई सार्वजनिक गरेको हो ।

छिटो छरितो तथा नयाँ प्रविधिको ट्याक्टर उपलब्ध गराउने उद्देश्य सहित विराटनगर, दमक, जनकपुर, वीरगञ्ज, चितवन र नेपालगञ्जका ६ अग्नि शाखा र डिलर लोकेसनमा एकै साथ नयाँ ट्याक्टर सार्वजनिक गरेको हो ।

यो श्रृंखला १२एफ (फर्वार्ड) प्लस ३आर (रिभर्स) ट्रान्समिसन टेक्नोलोजीको साथ आउने कम्पनीले जनाएको छ । जसमा ३–स्पिड रेन्ज अप्सन (एच–एम–एल) विभिन्न माटोको प्रकार र कृषि अनुप्रयोगहरूमा आधारित गियर गति चयन गर्न मद्दत गर्दछ ।

उच्च परिशुद्धता नियन्त्रण भल्भ र उत्कृष्ट–इन–क्लास लिफ्ट क्षमताको साथ यस टयाक्टरले सजिलै भारी उपकरणहरू ह्यान्डल गर्न सक्छन् ।

शक्तिशाली र इन्धन–कुशल इन्जिनले भरिएको, यस टयाक्टरले उच्च स्तरको टर्क र उत्कृष्ट इन्धन दक्षता प्रदान गर्ने कम्पनीको दाबी छ ।

धेरै भार बहन गर्ने क्षमता, उच्च ग्राउन्ड क्लियरेन्स, फ्ल्याट प्लेटफर्मको साथ दुवै साइडमा सिफ्ट गियर लिभर, आरामदायी सिट र एर्गोनोमिकली राखिएको लिभरहरूका कारण यो ट्रयाक्टर सबै कृषि र ढुवानी कार्यका लागि उपयुक्त हुने कम्पनीले जनाएको छ ।

युभो टेक प्लस सिरिज सार्वजनिक गर्दै महिन्द्रा एन्ड महिन्द्रा लिमिटेडका अन्तर्राष्ट्रिय अपरेसन प्रमुख केदार आप्टेले खेती र जीवनलाई समृद्ध बनाउने उद्देश्य अनुरूप नेपालको कृषि आवश्यकतालाई रूपान्तरण गर्न कम्पनी प्रतिबद्ध रहेको बताए ।

युभो टेक प्लस ट्याक्टरलाई नयाँ उन्नत इन्जिन, ट्रान्समिसन र हाइड्रोलिक प्रविधिले सम्बन्धित क्षेत्रहरूमा सबैभन्दा उन्नत बनाएको उनको दाबी छ ।

अग्नि ग्रुपका प्रबन्ध निर्देशक क्याबिनेट श्रेष्ठले परिवर्तित समयसँगै, नेपालका किसान विकसित हुँदै गइरहेको भन्दै कृषि उत्पादकत्व र आम्दानी बढाउन सबैभन्दा अगाडि टेक्नोलोजीको साथ उच्च स्तरको सशक्तीकरण खोजिरहेको अवस्थामा उन्नत प्रविधि र विस्तारित सुविधायुक्त नयाँ युभो टेक प्लस मोडेल प्रस्तुत गर्न पाउँदा खुसी लागेको बताए ।