![](https://www.onlinekhabar.com/wp-content/uploads/2022/10/Jasapa-party-office.jpg)
३१ साउन, काठमाडौं । जनता समाजवादी पार्टी (जसपा) नेपालले आफ्ना केन्द्रीय सदस्यहरुलाई संगठन निर्माण अभियानमा खटाएको छ । ललितपुरको सानागाउँमा ४ दिनसम्म चलेको बैठकले पार्टीका केन्द्रीय नेताहरुलाई आधारभूत संगठन निर्माण अभियानमा खटाएको हो ।
पार्टीका २१५ केन्द्रीय सदस्यलाई देशभरिका विभिन्न पालिका समितिको अभियन्ताको रुपमा खटाएको जसपा नेपालले जनाएको छ । अभियानको नेतृत्व केन्द्रीय समितिले गर्ने र पार्टीका केन्द्रीय कार्यकारिणी समिति सदस्यहरुलाई अभियानको अनुगमनका लागि खटाइने छ पार्टीको भनाइ छ । अभियान भदौदेखि मंसिर मसान्तसम्म सञ्चालन हुने छ ।
तोकिएका अभियन्ताहरुलाई प्रदेशस्तरीय अभिमुखीकरणको आयोजना गरिएको छ । जसअनुसार विराटनगरमा भदौ १८ गते, जनकपुरमा भदौ १५ गते, वीरगञ्जमा भदौ १७ गते, काठमाडौंमा भदौ ९ गते, भैरहवामा भदौ २३ गते अभिमुखीकरण कार्यक्रम हुनेछ ।
त्यस्तै नेपालगञ्जमा भदौ २४ गते, पोखरामा भदौ २५ गते र टीकापुर धनगढीमा भदौ २५ गते प्रशिक्षण तथा अभिमुखीकरण कार्यक्रम हुने जसपा नेपालले जनाएको छ ।
प्रतिक्रिया 4