सियरा आचार्यको शब्दमा सुनिता बुढाक्षेत्रीको तीज गीत ‘स्वामीजले भन्छन्’

काठमाडौं । गीतकार सियरा आचार्य (सुरेश आचार्य)को शब्दमा तीज गीत ‘स्वामीजीले भन्छन्’ सार्वजनिक भएको छ । गीतमा सुनिता बुढा क्षेत्रीको स्वर र राजेश थापाको संगीत छ । गीतलाई रेशम सेन्चुरीले एरेन्ज गरेका हुन् ।

रमाइलो शैलीमा निर्माण गरिएको गीतको भिडियोमा जुना कार्की, सञ्जु आचार्य र सुरज लुइँटेल फिचर्ड छन् । पूजा ठकुरीले निर्देशन गरेको भिडियोमा करण चैसिरको छायांकन, अनिल थुलुङ राईको कोरियोग्राफी र विनोद बमको सम्पादन तथा कलर संयोजन छ ।

आचार्य खानेपानी मन्त्रालयमा सचिवको रुपमा समेत कार्यरत छन् । गीत ‘सियरा नियो अफिसियल’ युट्युब च्यानलमा रिलिज गरिएको छ ।