राप्ती नदीमा फसेका व्यक्तिको उद्धार

२ भदौ, काठमाडौं । राप्ती नदीमा फसेका एक व्यक्तिको उद्धार गरिएको छ ।

दाङको राप्ती गाउँपालिका–३ खुरुरियाका १३ वर्षीय सुधन चौधरीको सशस्त्र प्रहरीको टोलीले उद्धार गरेको हो ।

आइतबार दिउँसो साढे ३ बजेतिर खुरुरियास्थित राप्ती नदीको झोलुङ्गे पुलटबा उनी खसेका थिए । दाउरा निकाल्ने क्रममा नदीको बीच भागको टापुमा उनी खसेका थिए ।

त्यसपछि इलाका प्रहरी कार्यालय भालुवाङबाट र ज्वालामाई गण सशस्त्र भालुवाङबाट उद्धारका लागि टोली खटिएको थियो ।

चौधरीलाई १ घण्टापछि साढे ४ बजे उद्धार गरिएको दाङका डीएसपी रामप्रसाद तिमल्सिनाले बताए ।