सुनको मूल्यमा सामान्य गिरावट, चाँदीको स्थिर

३ भदौ, काठमाडौं । नेपाली बजारमा सोमबार सुनको मूल्यमा सामान्य गिरावट भएको छ ।

नेपाल सुनचाँदी व्यवसायी महासंघका अनुसार सोमबार सुनको मूल्य तोलामा ३ सय रुपैयाँ घटेको छ ।

सोमबार छापावाला सुनको प्रतितोला मूल्य १ लाख ५२ हजार ३ सय रुपैयाँ तोकिएको छ । आइतबार छापावाल सुन तोलामा १ लाख ५२ हजार ६ सय रुपैयाँमा कारोबार भएको थियो ।

सोमबार चाँदीको मूल्य भने स्थिर रहेको छ । आइतबार १ हजार ८ सय १० रुपैयाँ तोलामा चाँदीको कारोबार भएको थियो । सोमबार पनि त्यही मूल्यमा चाँदीको किनबेच भइरहेको महासंघले जनाएको छ ।