टप १० ब्रोकर कम्पनीले कति गरे किनबेच ?

६ भदौ, काठमाडौं । बिहीबार कुल १९ अर्ब १६ करोड रुपैयाँ बराबरको धितोपत्र कारोबार भयो ।

यो कारोबार रकममा टप १० ब्रोकर कम्पनीहरुको हिस्सा ३६ प्रतिशत हो । बिहीबार टप १० ब्रोकर कम्पनीमार्फत कुल ७ अर्ब १ करोडको सेयर खरिद हुँदा ६ अर्ब ८४ करोडको बिक्री भयो ।

यस दिन टप १० ब्रोकर कम्पनीमध्ये ५ मार्फत खरिद धेरै र ५ मार्फत बिक्री धेरै भएको छ । इम्पेरियल, अनलाइन, डायनामिक, दिपशिखा र सिप्रवीमार्फत खरिद धेरै भएको छ ।

त्यस्तै नासा, भिजन, सनी, आर्यतारा र एबीसीमार्फत बिक्री धेरै भएको छ । सबैभन्दा धेरै कारोबार गरेको नासामार्फत १ अर्ब २२ करोडको खरिद हुँदा १ अर्ब ४७ करोड रुपैयाँ बराबरको बिक्री भएको छ ।