![](https://www.onlinekhabar.com/wp-content/uploads/2024/08/Madhyapur-Thimi-bhairab-dance-4-1024x621.jpg)
१ भदौ, भक्तपुर । भक्तपुरको मध्यपुर थिमीमा शुक्रबार राति भैरव नाच देखाइएको छ ।
भैरव जात्राका दिन टोलबासीलाई भोज खुवाइ यो नाच देखाउने चलन छ ।
शुक्रबार राति सुरू भएको भैरव नाच मंगलबार रातभर देखाइएको थियो। यो नाँच हेर्न लायकूदेखि बालकुमारी मन्दिरसम्म स्थानीयको भीड लागेको थियो।
चपाचोबाट निकालिएको नाँच बालकुमारी मन्दिरको परिक्रमा गरी सोही स्थानमा नचाइन्छ । रातभरि सञ्चालन भएको भैरवनाच शनिबार बिहान मात्र अन्त्य भएको थियो ।
मल्लकालीन वंशावलीमा ‘मदये काम गा गू’ अर्थात नभई नहुने उल्लेख गरिएको नाचमा दुई भैरव, दुई दागी अर्थात देवी र ज्यापूको एक गरी पाँचजना व्यक्तिले देवताको मुकुण्डो धारण गरी नाँच प्रदर्शन गरिन्छ ।
भैरव नाचमा तान्त्रिक विद्या अनुसार भैरव, कुमारी र ज्यापू गोको मुकुण्डो लगाइ नाँच्नेहरुको शरीरमा दवीदेवता प्रवेश गर्छन् भन्ने विश्वास छ।
यसका साथै यो नाँच देखाएमा भूत, प्रेत र अनिष्ट हटेर जान्छ भन्ने जनविश्वास छ। परापूर्वकालमा थिमीमा भूत, प्रेतले निक्कै दु:ख दिएपछि भैरव नाच चनाउन थालिएको किंवदन्ती छ।
हेर्नहोस् तस्वीरहरु :
प्रतिक्रिया 4