विगत एक महिनामा सेयर मूल्य उच्च दरमा घटेका यी ७ माइक्रोफाइनान्स

११ भदौ, काठमाडौं । विगत एक महिनामा समग्र सेयर बजारको परिसूचक नेप्से १२.६९ प्रतिशत बढेको छ । साउन १० गते २५६८ अंकमा रहेको बजार हाल २८९५ अंकमा छ ।

समग्र बजार बढ्दा पनि माइक्रोफाइनान्स समूहको सूचक भने विगत एक महिनामा २.५ प्रतिशतले घटेको छ । साउन १० गते ५५७१ मा रहेको यो समूह हाल ५४३० मा झरेको छ । विगत एक महिनामा मूल्य धेरै घटेका कम्पनीमा पनि यहीं माइक्रोफाइनान्स समूहका कम्पनी अगाडि देखिए ।

एक महिनामा ६ माइक्रोफाइनान्सको मूल्य १४ प्रतिशतभन्दा धेरैले घटेको छ । बढ्दो बजारमा कतिपय लगानीकर्ताको लगानी रणनीति घटेका कम्पनीमा हुन सक्छ । यस्तो अवस्थामा हाल माइक्रोफाइनान्स क्षेत्र एउटा विकल्प बन्न सक्छ । विगत एक महिनामा हिमालयन र गणपति माइक्रोफाइनान्सको मूल्य सबैभन्दा धेरै २० प्रतिशत घटेको छ ।

विगत १ महिनामा १० प्रतिशतभन्दा धेरैले घटेका ७ लघुवित्त कम्पनी

कम्पनी	साउन १० को मूल्य	भदौ ९ को मूल्य	गिरावट दर प्रतिशत
हिमालयन लघुवित्त	१३६५	१०८४	– २०.५
गणपति लघुवित्त	२०८५	१६६९	– १९.९
आरम्भ चौतारी लघुवित्त	१३९०	११७०	– १५.८२
समता घरेलु लघुवित्त	११९०	१०१०	– १५.१२
सामुदायिक लघुवित्त	१४२२.९	१२१०.४	– १४.९३
विजय लघुवित्त	११२८	९६०	– १४.८
स्वाभिमान लघुवित्त	१६८४.९	१५०१	– १०.९१