२०८१ भदौ ११ गते २३:०७ 
११ भदौ, काठमाडौं । अखिल नेपाल फुटबल संघ (एन्फा) को कार्यसमिति बैठक मंगलबार नसकिएपछि बिहीबारसम्मका लागि स्थगित भएको छ ।
मंगलबार सुरु भएको एन्फा कार्यसमिति बैठक समय अभावका कारण स्थगित भएको एन्फाले जनाएको छ ।
‘एन्फाको आठौं कार्यसमिति बैठक समय अभावका कारण स्थगित भएको छ । बैठक अब बिहीबार पुनः बस्नेछ ।’ एन्फाले आफ्नो सामाजिक सञ्जालमार्फत जानकारी दिएको छ ।
कार्यसमिति बैठकमा विविधसहित कूल २३ बुँदे एजेन्डा समावेश थियो । बिहान ८ बजे सुरु हुने भनिएको कार्यसमिति बैठक १०:४५ बजे सुरु भएको थियो ।
जसमा नेपाली पुरुष टिमका मुख्य प्रशिक्षक भिन्सेन्जो अल्बर्टो एनेसको सम्झौता नथप्ने, एन्फा महासचिव किरण राईको मासिक तलब २ हजार अमेरिकी डलर पुर्याउने, राष्ट्रिय टोलीका खेलाडीलाई मासिक ३० हजार रुपैयाँ दिने लगायत विभिन्न वपषयमा निर्णय गरेको छ ।
एन्फाले बिहीबारको बैठकपछि सबै निर्णय सार्वजनिक गर्ने जनाएको छ ।
प्रतिक्रिया 4