२०८१ भदौ १६ गते ७:५७ 
१६ भदौ, काठमाडौं । जर्मन बुण्डेसलिगामा बायर लेभरकुजनको ३५ खेलको अपराजित यात्रामा ब्रेक लागेको छ ।
आरबी लाइपजिगले दुई गोलले पछि परेको स्थितिमा पुनरागमन गर्दै लेभरुकजनलाई ३-२ ले पराजित गरेको हो । लाइपजिगका लागि लोइस ओपान्डाले दुई गोल गरे ।
सन् २०२२-२३ को सिजनको अन्तिममा बुचमसँग ३-० ले पराजित भएको लेभरकुजनले २०२३-२४ मा लिग उपाधि जित्दा कुनै खेलमा हारेको थिएन । गत सिजन लेभरकुजनको एकमात्र हार युरोपा लिगको फाइनलमा एटालान्टाविरुद्ध थियो ।
जेरेमी फ्रम्पोङले ३८औं र एलेक्स ग्रिमाल्डोले ४५औं मिनेटमा गोल गर्दै लेभरकुजनलाई २-० को अग्रता दिलाएका थिए । तर, लाइपजिगले उत्कृष्ट पुनरागमन गर्यो । पहिलो हाफको इन्जुरी टाइममा केभिन काम्पलले गोल गर्द लाइजिगलाई खेलमा फर्काए । त्यसपछि ओपान्डाले ५७औं मिनेटमा गोल गर्दै खेल बराबरीमा ल्याए भने ८०औं मिनेटमा वियजी गोल गरे ।
लगातार दोस्रो खेल जितेको लाइपजिग २ खेलबाट ६ अंक जोडेर शीर्ष स्थानमा उक्लेको छ । समान खेलबाट ३ अंकसहित लेभरकुजन नवौं स्थानमा छ ।
प्रतिक्रिया 4