सिड्नीमा बद्री पंगेनी सम्मानित

सिड्नी । लोक तथा दोहोरी गायक बद्री पंगेनीलाई अस्ट्रेलियामा सम्मान गरिएको छ । सिड्नीको ग्रयानभिलस्थिथ फ्लेभर्स अफ नेपालले नेपाली लोक संगीतमा विशेष योगदान दिएवापत पंगेनीलाई सम्मान गरेको हो ।

गायक पंगेनी कार्यक्रमको सिलसिलामा तीन सातादेखि अस्ट्रेलियामा छन् । कार्यक्रममा गैरआवासीय नेपाली संघ ओसनिया क्षेत्रीय संयोजक दिनेश पोखरेलले बद्री पंगेनी जस्ता स्थापित लोक गायकको भ्रमणले प्रवासमा रहेका दोस्रो पुस्ताले नेपाली लोक संगीतबारे केही सिक्न पाएको बताए ।

गायक पंगेनीले पहिले भन्दा यस पटक अस्ट्रेलियामा आफूले झनै माया र साथ पाएको बताए । ‘सांगीतिक भ्रमणको समयमा मलाई सम्झिएर सम्मान गरिदिनुभएकोमा फ्लेभर्स अफ नेपाल लगाएत अष्ट्रेलियामा रहनु हुने सबैमा धन्यवाद दिन चाहन्छु,’ उनले भने ।

आयोजक फ्लेभर्स अफ नेपालका प्रमुख राजेश केसीले भने, ‘नेपाल छँदा बद्री पंगेनीको गीतमा रमाउने हामीले आज प्रवासमा उहाँलाई सम्मान गर्न पाएकोमा गर्व महसुस गरेका छौं ।’