नेपाल प्रहरीको भावना समेटिएको गीत ‘फूलको बाँस्नासरी’

काठमाडौं । प्रहरी नायब महानिरीक्षक दानबहादुर कार्कीको शब्दमा ‘फूलको बाँस्नासरी’ गीत सार्वजनिक भएको छ । नेपाल प्रहरीको कर्तव्य र भावना समेटिएको गीतमा राजेशपायल राई, मेलिना राई, बेनिशा पौडेल र समीर खरेलको स्वर छ । गीतमा दीपक शर्माको संगीत र श्यामश्वेत रसाइलीको एरेन्ज छ ।

गम्भीर विष्टले निर्देशन गरेको गीतको भिडियोमा नेपाल प्रहरीको कर्तव्य र जीवनशैलीलाई प्रस्तुत गरिएको छ । भिडियोमा रमेश उप्रेती, प्रियंका कार्की, प्रकाश सपुत, बेनिशा हमाल लगायतले अभिनय गरेका छन् ।

भिडियोको कथा र अवधारणा सरोज ओलीको हो । भिडियोलाई प्रदीप हमालले कोरियोग्राफी र पवन सुस्लिङले छायांकन तथा सम्पादन गरेका छन् ।