२०८१ भदौ २५ गते २०:४२ 
२५ भदौ, काठमाडौं । एभ्रेष्ट महिला भलिबल लिग (इडब्ल्युभिएल)को लागि चितवन शक्तिले आफ्नो पहिलो विदेशी खेलाडीको नाम सार्वजनिक गरेको छ ।
चितवनले अजबैजानकी राष्ट्रिय टिमकी अपोजिट हिटर केन्सिया पावेल्निकोलाई आफ्नो पहिलो विदेशी खेलाडीको रुपमा अनुबन्ध गरेको हो ।
इडब्ल्युभिएलका लागि चितवनले आफ्नो पहिलो खेलाडीको रुपमा उनको नाम सार्वजनिक गरेको हो ।
असोज १४ देखि असोज १९ गतेसम्म दशरथ रंगशाला कर्भड हलमा हुने पहिलो संस्करणको इडब्ल्युभिएलका लागि मधेशको टिमले विदेशी खेलाडीहरुको नाम सार्वजनिक गरिसकेको छ ।
केन्सिया पहिलो पटक नेपाल आएर खेल्न लागेकी हुन् । उनी पहिलो पटक नेपाल आएर खेल्न निकै उत्साहित रहेको उनले बताएकी छिन् ।
त्यस्तै, चितवन शक्ति पनि केन्सियाले नेपाल आएर राम्रो प्रदर्शन गर्नेमा आशावादी रहेको छ ।
चितवनले आफ्नो मार्की खेलाडीको रुपमा नेपाली राष्ट्रिय महिला टिमकी कप्तान अरुणा शाही रहेकी छिन् ।
प्रतिक्रिया 4