सेज कार्यकारी निर्देशक पदमा ८ प्रतिस्पर्धी

२ असोज, काठमाडौं । विशेष आर्थिक क्षेत्र प्राधिकरण (सेज) को कार्यकारी निर्देशक पदका लागि ८ जनाले प्रतिस्पर्धा गर्ने भएका छन् ।

उद्योग, वाणिज्य तथा आपूर्ति मन्त्रालयले रिक्त कार्यकारी निर्देशक पदमा आवेदन दिएकामध्ये योग्य ८ जना उम्मेदवारको नाम सार्वजनिक गरिएको छ ।

मन्त्रालयका अनुसार कार्ययोजना प्रस्तुतीकरण र अन्तर्वार्ता विधिबाट एक जना उम्मेदवारलाई यो पदमा नियुक्त गरिने छ ।

मन्त्रालयका अनुसार सेजमा भुपेन्द्रप्रसाद अर्याल, रामप्रसाद पौडेल, कृष्णसिंह बस्नेत, नवराज सापकोटा, छत्रबहादुर कटुवाल, राजेन्द्र श्रेष्ठ, रामचन्द्र ढकाल र संजय कुमारको दरखास्त स्वीकृत भएको मन्त्रालयले जनाएको छ ।

कार्ययोजना प्रस्तुततीकरण र अन्तर्वार्ताका लागि पछि समय तय हुने समेत बताइएको छ ।