पेरिस फेसन वीकमा आलियाको डेब्यु (तस्वीर)

काठमाडौं । आफ्नो फेसनले मेटगालामा सबैलाई मोहित तुल्याएपछि बलिउड अभिनेत्री आलिया भट्टले फेरि एकपटक विश्व मञ्चमा सौन्दर्य छरेकी छन् । त्यो पनि फेसनको महाकुम्भ मानिने पेरिस फेसन विकमा ।

उनले प्रतिष्ठित पेरिस फेसन सप्ताहको यो संस्करणमा डेब्यु गरेकी छन् । पेरिस फेसन वीकमा सोमबार उनले मेटालिक सिल्भर फिटको पहिरन लगाएर यो फेसन मेलामा आफूलाई प्रस्तुत गरेकी हुन् ।

आलिया केन्डल जेनर, कारा डोलिभिङ र अन्य चर्चित मोडलसँग र्‍याम्पमा देखा परिन् । उनी पेरिसको प्लेस डे ल’ ओपेरामा ‘वाक योर वर्थ’ कार्यक्रममा हिंडेकी हुन् ।

आलिया ऐश्वर्या राय बच्चन, अजा नाओमी किङ, सिन्डी ब्रुना, कारा डेलेभिङ्ने, केन्डल जेनर, लुमा ग्रोथे र अन्यसँगै र्‍याम्पमा देखा परिन् । उनीहरुले हातमा गुलाब बोकेका थिए ।

उनले गौरव गुप्ताद्वारा डिजाइन गरिएको कालो अफ-सोल्डर जम्पसुटसँग जोडिएको धातुको चाँदीको ब्रेस्टप्लेट लगाएकी थिइन् । अभिनेत्रीको मेकअप उत्कृष्ट थियो भने भिजेको कपालले पूर्ण आकार प्राप्त गरेको थियो ।

यसअघिको एक वक्तव्यमा आलियाले पेरिस फेसन वीकमा आफ्नो डेब्युलाई लिएर उत्साह व्यक्त गरेकी थिइन् । ‘पहिलो जहिल्यै विशेष हुन्छ’ उनले भनेकी थिइन् । आलियाको फिल्म ‘जिग्रा’ अक्टोबर ११ मा रिलिज हुँदैछ । यस वर्षको पेरिस फेसन वीक सेप्टेम्बर २३ देखि अक्टोबर १ सम्म आयोजना हुनेछ ।

तस्वीरहरु