२०८१ असोज ११ गते ८:०६ 
११ असोज, काठमाडौं । जुलियन अल्भारेजले खेलको अन्तिम समयमा गरेको गोलमा एट्लेटिकव मड्रिडले स्पानिस ला लिगामा गएराती सेल्टाभिगोलाई १-० ले पराजित गरेको छ ।
सेल्टाको मैदानमा भएको खेलमा वैकल्पिक खेलाडीको रुपमा मैदान प्रवेश गरेका अल्भारेजले ९०औं मिनेटमा विजयी गोल गरे ।
कोकेको स्थानमा ५४औं मिनेटमा मैदान प्रवेश रेका अल्भारेजले एन्टोइन ग्रीजमनको असिस्टमा गोल गरेका हुन् ।
नयाँ सिजनमा एट्लेटिकोको यो चौथो जित हो । बार्सिलोना र रियल मड्रिडलाई पछ्याइरहेको एट्लेटिको ७ खेलबाट १५ अंक जोडेर तेस्रो स्थानमा छ ।
शतप्रतिशत नतिजा निकालेको बार्सिलोना ७ खेलबाट २१ अंकसहित शीर्ष स्थानमा आसिन छ भने एट्लेटिकोको छिमेकी रियल मड्रिड १७ अंकसहित दोस्रो स्थानमा छ ।
प्रतिक्रिया 4