२०८१ असोज १६ गते २०:३८ 
१६ असोज, काठमडौं । एभरेष्ट वुमन्स भलिबल लिग (इडब्ल्युभीएल)मा काठमाडौं स्पाइकर्सले दोस्रो जित निकालेको छ ।
काठमाडौंले गण्डकी थन्डर्सलाई ३–१ ले हराउँदै प्रतियोगितामा दोस्रो जित निकालेको हो ।
काठमाडौंले गण्डकीलाई २५–२३, १९–२५, २५–२१ र २५–१६ ले हराएको छ । पहिलो, तेस्रो र चौथो सेट जित्दै काठमाडौंले दोस्रो जित निकालेको हो ।
गण्डकीको भने यो तेस्रो हार हो ।
पहिलो खेलमा चितवन शक्तिसँग हार बेहोरेको गण्डकीले दोस्रो खेलमा कर्णाली यस्विससँग हार बेहोरेको हो । काठमाडौंले भने पहिलो खेलमा ललितपुर क्विन्ससँग हार बेहोरेको थियो भने दोस्रो खेलमा चितवन शक्तिलाई हराएको थियो ।
आजको जितले काठमाडौंको फाइनल पुग्ने सम्भावना कायमै राखेको छ भने गण्डकीको भने लगभग फाइनल पुग्ने सम्भावना सकिएको छ ।
आजको पहिलो खेलमा कर्णाली यस्वीसले ललितपुर क्विन्सलाई ३–० ले हराएको छ । आजको अन्तिम खेल चितवन शक्ति र मधेश युनाइटेडबीच हुनेछ ।
प्रतिक्रिया 4