२०८१ कात्तिक ६ गते २०:१२ 
६ कात्तिक, विराटनगर । बेलबारी गोल्डकपबाट डिफेन्डिङ च्याम्पियन ब्रिगेड ब्वाइज ललितपुर बाहिरिएको छ । सुरुवाती अग्रता जोगाउन नसक्दा बुटवल लुम्बिनी फुटबल क्लबसँग २–१ गोलले पराजित हुँदै बाहिरिएको हो ।
जितसँगै बेलबारी गोल्डकपमा पहिलोपटक सहभागी भएको बुटवल लुम्बिनी सेमिफाइनलमा प्रवेश गरेको छ ।
बेलबारी ११ को लक्ष्मी खेलमैदानमा मंगलबार भएको खेलमा ब्रिगेड ब्वाइज क्लबका सुजन ढङ्गोलले २० ओैं मिनेटमा गोल गर्दै टिमलाई सुरुवाती अग्रता दिलाएका थिए ।
५१ ओैं मिनेटमा बुटवल लुम्बिनीका खेलाडी एरिक बिष्टलाई डिबक्स भित्र ट्याकल गरेपछि बुटवल लुम्बिनी फुटबल क्लबले पेनाल्टी प्रहारको अबसर पायो । एरिक बिष्टले प्रहार गरेको पेनाल्टी प्रहार गोलमा परिणत भएपछि खेल १–१ गोलको बराबरी गरे । ६२ औं मिनेटमा बुटवल लुम्बिनीका ग्लोरीले गोल गर्दै जित निश्चित गरे ।
सातौं बेलबारी आरजु राइस गोल्डकप फुटबल प्रतियोगितामा बुधबार सलहेस फुटबल क्लब सिराहा र भारतको दलसिंहपारा फुटबल क्लब खेल्नेछन् ।
प्रतिक्रिया 4