२०८१ मंसिर ५ गते २३:१५ 
५ मंसिर, काठमाडौं । नेपालले बहराइनको मानामास्थित इशा टानउमा सुरु भएको डेभिस कपको एसिया/ओसियाना क्षेत्रको विजयी सुरुवात गरेको छ । नेपालले बुधबार गुआमलाई २–१ ले पराजित गरेको हो ।
नेपालले २ सिंगल्समा जित हात पारेको नेपाल डबल्समा भने पराजित भयो ।
पुरुष सिंगल्समा नेपालका प्रदीप खड्काले गुआमका लियरेन्स डानियललाई ६–२, ६–२ को सोझो सेटमा पराजित गरे । अर्को सिंगल्समा नेपालका अभिषेक बाँस्तोलाले गुआमका डेरेक उकुहामालाई ६–१, ६–१ ले सहजै हराए ।
डबल्सतर्फ भने प्रनव खनाल र प्रनव मानन्धरको जोडी गुआमका आरमन सचदेव र क्यामदेन कामाचोविरुद्ध ६–२, ६–२ ले पराजित भए ।
एसिया तथा ओसियाना क्षेत्रको ग्रुप फाइभमा नेपालसहित १५ राष्ट्रको सहभागिता छ । जहाँ सहभागि राष्ट्रलाई चार समूहमा विभाजन गरिएको छ । नेपाल र गुआमसहित ब्रनाई समूह ए मा छन् ।
टेनिसको विश्वकप मानिने डेभिस कपमा नेपालले दोस्रो पटक सहभागिता जनाएको हो ।
प्रतिक्रिया 4