२०८१ मंसिर ७ गते ११:१७ 
७ मंसिर, काठमाडौं । बिली जिन किङ कपमा सहभागी हुन ५ खेलाडीसहित ७ सदस्यीय नेपाली टेनिस टोली शुक्रबार बहराइनको मानामा प्रस्थान गर्ने भएको छ ।
नोभेम्बर २५ देखि ३० तारिखसम्म हुने प्रतियोगितामा ५ महिला खेलाडीले नेपालको चुनौती प्रस्तुत गर्ने छन् ।
अभिलाषा विष्ट, सुनिरा थापा, स्वस्तिका विष्ट, प्रकृति श्रेष्ठ र प्राज्ना मानन्धरले खेल्ने छन् । प्रशिक्षकमा सन्तोष खत्री तथा व्यवस्थापकमा नेपाल टेनिस संघका सदस्य अजय विष्ट छन् ।
सातदोबाटोमा एक कार्यक्रमका बीच टेनिस संघका महासचिव मनोहरदास मुल र सदस्य जयजीव हाडाले शुभकामनासहित टोलीको बिदाइ गरेका थिए ।
प्रतिक्रिया 4