+

एन्फा यू-१८ लिग : संकटाले मच्छिन्द्रलाई हराउँदा आर्मीको बराबरी

२०८१ मंसिर  ७ गते २०:२७ २०८१ मंसिर ७ गते २०:२७
एन्फा यू-१८ लिग : संकटाले मच्छिन्द्रलाई हराउँदा आर्मीको बराबरी

७ मंसिर, काठमाडौं । ललित स्मृति एन्फा यू-१८  युथ लिगमा शुक्रबार संकटा एफसीले जित निकालेको छ । संकटाले मच्छिन्द्रलाई ४-२ गोलअन्तरले हराएको हो ।

संकटाका लागि कृष्णबहादुर आलेले दुई गोल गरे भने सविन मगर र सुदिप लामाले एक-एक गोल गरे । मच्छिन्द्रका लागि कबिर तामाङ र रोनिक राना मगरले एक-एक गोल गरे ।

खेलमा दुईपटक अग्रता लिएको भएपनि अन्तिमसम्म सम्हालिन नसक्दा मच्छिन्द्रले हार व्यहोरेको हो । २-१ ले पछाडि रहेको अवस्थामा संकटाले अन्तिम समयतिर तीन गोल गर्दै जित निकालेको हो ।

त्यसैगरी आजै भएको पहिलो खेलमा त्रिभुवन आर्मी र एपिएफले २-२ गोलको बराबरी खेलेका छन् ।

आर्मीका लागि रुस्तम थापामगर र अनुभव पुरीले एक-एक गोल गर्दा एपिएफका सजन योन्जन र सुनिल थिङले एक-एक गोल गरे ।

ललित स्मृति एन्फा यू-१८ युथ लिग
लेखक
अनलाइनखबर
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय