१२ मंसिर, काठमाडौं । नेपाल टेलिकमलाई उछिन्दै विशाल बजार कम्पनी सेयर बजारको सबैभन्दा ठूलो कम्पनी बनेको छ ।
विशाल बजार कम्पनीको कुल पूँजीकरण (कुल सेयरको मूल्य) १ खर्ब ९८ अर्ब ४९ करोड ५० लाख रुपैयाँ पुगेको छ । जबकि नेपाल टेलिकमको पूँजीकरण १ खर्ब ७७ अर्ब ८५ करोड ८० लाख रुपैयाँ छ ।
सरकारसँग भएको कम्पनीको संस्थापक सेयर बजारमा सूचीकरण भएको छ । ३ करोड ९६ लाख ८ हजार ६ सय कित्ता सेयर सूचीकृत भएसँगै कम्पनीको आकार सबैभन्दा ठूलो भएको हो ।
बुधबार नै कम्पनीको सेयर मूल्य पनि १० प्रतिशत बढ्यो । पूँजीकरणका आधारमा सबैभन्दा ठूलो भएपछि अब यस कम्पनीको मूल्यले व्यापार समूहलाई पूर्ण रुपमा प्रभाव पार्नेछ भने समग्र बजारलाई पनि हल्लाउने क्षमता राख्दछ ।
विशाल बजार कम्पनीको सेयर मूल्य हाल प्रतिकित्ता ४ हजार ९५० रुपैयाँ छ । बजारमा कुल ४ करोड १ लाख सेयर सूचीकृत भएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4