२०८१ मंसिर १६ गते ११:५३ 
१६ मंसिर, काठमाडौं । नेपाल प्रिमियर लिग (एनपीएल) को फ्रेन्चाइज क्लब कर्णाली याक्सको टिमले आज पशुपति दर्शन गरेको छ । टिममा रहेका विदेशी खेलाडीहरू शिखर धवनसहित कर्णाली याक्सको टोलीले पशुपति दर्शन गरेको हो ।
टोलीसँगै कर्णाली याक्सकी प्रवर्द्धन दूत नायिका स्वस्तिमा खड्का पनि पशुपति पुगेकी थिइन् ।
कर्णाली याक्सले पहिलो नेपाल प्रिमियर लिग (एनपीएल)मा ज्ञानेन्द्र मल्ल प्रशिक्षणमा मैदान उत्रन लागेको हो । टिमको मार्की खेलाडी सोमपाल कामी मार्की छन् ।
शनिबारदेखि सुरु भएको एनपीएलमा कर्णालीले भोलि आफ्नो पहिलो खेल खेल्दैछ । कर्णाली याक्सले भोलि दिउँसो १ बजेदेखि जनकपुर बोल्टस्सँग भिड्दैछ ।
शनिबारको उद्घाटन खेलमा जनकपुरले विराटनगरलाई पराजित गरेको थियो ।
तस्वीरहरू : विकास श्रेष्ठ/अनलाइनखबर
प्रतिक्रिया 4