काठमाडौं । लोकप्रिय सांगीतिक समूह कन्दराका प्रमुख गायक विवेक श्रेष्ठले संगीत र साहित्यको संगत जरुरी रहेको बताएका छन् । बाह्रखरी कथा प्रतियोगिताको विजेता घोषणा गर्न आइतबार आयोजित समारोहमा पपस्टारले संगीत र साहित्यबीच संयोजनबारे कुरा राखे ।
साहित्यसँग संगीत जोडिएको बताउँदै उनले साहित्यसँग संगीतले संगत गर्न जरुरी रहेको धारणा राखे । ‘संगीतमा साहित्य जोडिएर मात्रै हुँदैन । संगत पनि हुनुपर्ने देखेको छु’ उनले भने ।
साहित्य सरलरुपमा प्रस्तुत गरेर संगीतमा ल्याउनुपर्नेमा उनको जोड छ । कन्दरा ब्यान्ड साहित्यकारसँग सहकार्य गर्न तयार रहेको उनले बताए । ब्यान्डले आफ्ना हिट गीतमा सरुभक्तसहितका केही चर्चित साहित्यकारसँग पनि सहकार्य गरेको छ ।
यसअघि अनलाइनखबरसँगको अन्तर्वार्तामा पनि गायक श्रेष्ठले संगीत र साहित्यताको संयोजनबारे जोड दिएका थिए । उनले पछिल्लो समय नेपाली संगीतमा साहित्य हराएको भन्दै चिन्ता व्यक्त गरेका थिए ।
यो लोकप्रिय लोकरक ब्यान्ड यतिबेला देशब्यापी सांगीतिक दौडाहामा छ । उसले पोखरा र काठमाडौंमा दुई भव्य कन्सर्ट सम्पन्न गरिसकेको छ । नेपालगञ्ज, बुटवल र चितवनमा टूर गर्ने तयारी छ । जनवरी १ देखि विश्व यात्रामा निस्कने ब्यान्डको योजना छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4