२०८१ मंसिर १६ गते २१:४२ 
१६ मंसिर, काठमाडौं । कपालको हेरचाहमा आफ्नो पहिचान बनाएको कम्पनी फोलिडर्म लुम्बिनी लायन्ससँग ‘कन्फिडेन्स पार्टनर’का रूपमा जोडिएको छ ।
शनिबारबाट सुरु भएको नेपाल प्रिमियर लिगको फ्रेन्चाइज टिम लुम्बिनीसँग फोलिडर्मले सहकार्य गरेको हो । फोलिडर्म र लुम्बिनी लायन्सबीच शनिवार बालुवाटारस्थित फोलिडर्मकै कार्यालयमा सम्झौता पत्रमा हस्ताक्षर भएको छ ।
उक्त हस्ताक्षर कार्यक्रममा फोलिडर्मका सीईओ प्रभात अग्रवाल र लुम्बिनी लायन्सका स्वामित्वकर्तामध्येका एक करण बस्नेतको उपस्थिति थियो ।
यो सहकार्यले व्यक्तिलाई प्रोत्साहन गर्नुका साथै आत्मविश्वास बढाउने लक्ष्य राखेको छ, जुन लुम्बिनी लायन्सको टिम स्प्रिटसँग पनि मेल खान्छ । सम्झौतापत्रमा हस्ताक्षर गर्दै फोलिडर्मका सीईओ अग्रवालले भने, ‘हामी कन्फिडेन्स पार्टनरका रूपमा यो सहकार्य गर्न पाउँदा निकै उत्साहित छौँ । फोलिडर्मले सबैलाई उनीहरूको उत्कृष्टतामा पुग्नमा सहयोग र सहकार्य गर्ने कुरामा विश्वास गर्छ र यो सहकार्यले पनि हामी दुवै पक्षको उत्कृष्टता सिर्जना गर्छ भन्नेमा म विश्वस्त छु । क्रिकेटको खेलले देश र जनतालाई नै निकट ल्याउँछ भन्नेमा विश्वास गरौं।’
त्यस्तो लुम्बिनी लायन्सका स्वामित्वकर्ता बस्नेतले पनि सहकार्यप्रति उत्साहित रहेको बताए । उनले भने, ‘फोलिडर्मसँगको यो सहकार्यले हाम्रो आत्मविश्वासलाई सङ्केत गर्नेछ र हाम्रा खेलाडीहरुको हरेक खेलमा ऊर्जा थप्नेछ । हाम्रो साथमा फोलिडर्मलाई पाउँदा निकै उत्साहित छौं।’
यो सहकार्यमार्फत दुवै पक्षले फरक फरक किसिमका योजनाहरू पनि रहेको बताएका छन्, जसमा क्रिकेट फ्यानलाई संलग्न गराउनेदेखि विभिन्न अभियानहरू पनि हुनेछन् । फोलिडर्मसँगको यो सहकार्यले आत्मविश्वासलाई प्रवर्द्धन गर्ने प्रतिबद्धतालाई झल्काउँछ र फोलिडर्मले यसै कुरा झल्काउने नारा “रोर लायन्स, रोर कनफिडेन्स विथ फोलिडर्म” पनि सार्वजनिक गरेको छ ।
प्रतिक्रिया 4