एनपीएलमा जनकपुर र सुदूरपश्चिमको सानदार जित (तस्वीरहरू)

२० मंसिर, काठमाडौं । नेपाल प्रिमियर लिग (एनपीएल) मा बिहीबार जनकपुर बोल्ट्स र सुदूरपश्चिम रोयल्सले सानदार जित हात पारेका छन् ।

जनकपुर बोल्ट्सले दिनको पहिलो खेलमा पोखरा एभेन्जर्सलाई ७ विकेटले पराजित गर्दै लगातार तेस्रो जित हासिल गर्‍यो ।

जनकपुरको जितमा न्युजिल्याण्डका स्टार अलराउण्डर जिम्मी नीशमले अलराउण्ड प्रदर्शन गरे । बलिङमा २ विकेट लिँदै ब्याटिङमा अविजित ४० रन बनाएका उनी प्लेअर अफ दि म्याच बने ।

लगातार तेस्रो जितपछि जनकपुर ६ अंकहसित शीर्ष स्थानमा छ । यस्तै दीपेन्द्र सिंह ऐरीको कप्तानीमा रहेको सुदूरपश्चिम रोएल्सले बिहीबारको दोस्रो खेलमा काठमान्डु गुर्खाजलाई ७३ रनले हरायो ।

स्कटिस खेलाडी ब्राण्डन म्याकमुलेनको अर्धशतक अनी नपालका युवा स्पीनर नरेन साउदले ५ विकेट लिएपछि सुदूरपश्चिमले सानदार जित हात पारेको हो ।

नरेन एकै खेलमा ५ विकेट लिने दोस्रो खेलाडी बने भने पहिलो नेपाली बलर बने । यसअघि चितवनका सोहेल तनविरले पनि गुर्खाज विरुद्ध नै ५ विकेट लिएका थिए ।

 तस्वीरहरू : विकास श्रेष्ठ/अनलाइनखबर