२१ मंसिर, काठमाडौं । राष्ट्रपति रामचन्द्र पौडलको स्वास्थ्य अवस्थाबारे बुझ्न प्रधानमन्त्री केपी शर्मा ओली अस्पताल पुगेका छन् । उनी आज राष्ट्रपति पौडेल उपचाररत रहेको त्रिभुवन विश्वविद्यालय, शिक्षण अस्पताल, महाराजगञ्ज पुगेर उनको स्वास्थ्यवस्थाबारे जानकारी लिएका हुन् ।
प्रधानमन्त्री ओलीले राष्ट्रपति पौडेलको शिघ्र स्वास्थ्यलाभको कामना गर्दै उपचारमा आवश्यक सबै प्रबन्ध गर्न अस्पतालका सम्बन्धित अधिकारी र चिकित्सकलाई आग्रह गरे । प्रोस्टेटसम्बन्धी समस्याका कारण केही दिनदेखि अस्पतालमा उपचाररत राष्ट्रपति पौडेलको उपचारमा संलग्न चिकित्सकहरुसँग प्रधानमन्त्री ओलीले जानकारी लिएका थिए ।
मंसिर १९ गते अस्पतालमा भर्ना भएका राष्ट्रपति पौडेलको प्रोस्टेटसम्बन्धी समस्याको शल्यक्रिया भइसकेको छ । अहिले उनको अवस्था सुधारोन्मुख र सामान्य रहेको अस्पतालले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4