काठमाडौं । चलचित्र विकास बोर्डले सुरुवात गरेको पटकथा संग्रहालयमा पटकथा पेश गर्ने फिल्मको संख्या ७२ पुगेको छ । यसअघि ‘कबड्डी ४’, ‘बोक्सीको घर’, ‘छक्कापञ्जा ५’, ‘अन्तराल’, ‘दुई नम्बरी’, ‘चिसो मान्छे’ र ‘नाङ्गो गाउँ’का निर्माताले सञ्चार तथा सूचना प्रविधिमन्त्री पृथ्वीसुब्बा गुरुङलाई पटकथा बुझाइसकेका छन् ।
सोमबारसम्म स्क्रिप्ट बुझाउने फिल्मको संख्या ७२ पुगेको चलचित्र विकास बोर्डका अध्यक्ष दिनेश डीसीले जनाए । बोर्डमा भव्य पटकथा संग्रहालय स्थापना गरेर नेपाली फिल्मको पटकथालाई अभिलेखको रुपमा राख्ने तयारी थालिएको उनले बताए ।
पछिल्लो पटक सतीदेवी, नेप्टे, फागु, दशगजा, लालजोडी, हिम्मतवाली, काँडेतार, काली, मायाको बारीमा, म यस्तो गीत गाउँछु २, नालापानी, पञ्चायत, स्केप, मेघा, सिलसिला, तेल भिसा लगायतले पटकथा बुझाएका हुन् ।
पटकथा संग्रहालयको माध्यमबाट पछि आउने पुस्तालाई घरेलु फिल्मको इतिहास बुझ्न सजिलो हुने अपेक्षा रहेको अध्यक्ष डीसीले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4