गोल्डेन ग्लोब्स मनोनयन : ‘इमिलिया पेरेज’ सर्वाधिक १० विधामा

काठमाडौं । फिल्म ‘इमिलिया पेरेज’ सन् २०२५ को गोल्डेन ग्लोब्स अवार्डको सर्वाधिक १० विधामा मनोनित भएको छ । सार्वजनिक मनोनयन सूचीमा यो फिल्मको वर्चस्व देखिएको छ ।

ज्याक आडियर्ड निर्देशित फिल्म लागूऔषध कार्टेलिङको कथावस्तुमा आधारित म्युजिकल ड्रामा हो । हालैको कान्स फिल्म फेस्टिभलको क्रममा नेटफ्लिक्सले यसको स्ट्रिमिङ अधिकार पनि खरिद गरिसकेको छ ।

उत्कृष्ट फिल्मको ‘म्युजिकल अर कमेडी’ विधामा फिल्म मनोनित छ । ब्राडी कोबेटेलको ‘द ब्रुटालिस्ट’ दोस्रो धेरै सात विधामा मनोनित हुने सूचीमा छ । ‘कन्क्लेभ’ ६, अनोरा ५ र सब्सटेन्स ५ विधामा मनोनित छन् ।

निर्देशक आडियार्ड, जोय साल्दाना र सेलेना गोमेज सहायक अभिनेत्री, कार्ला सोफिया गासन अभिनेत्री, पटकथा, मौलिक लगायत विधामा समेत फिल्म मनोनित छ ।

‘विक्ड’की सिन्थिया एरिभो र एरियाना ग्रान्डे पनि मनोनयनमा छन् । एन्जेलिना जोली, ह्युग ग्रान्ट, तिमोथी चालमेट, सेबास्टियन स्टेन, डेमी मूर, पामेला एन्डरसन, केट विन्सलेट र सेलेना गोमेज पनि मनोनयनमा छन् ।

कुल मिलाएर यस वर्षको गोल्डेन ग्लोब्स मनोनयनमा नेटफ्लिक्सको वर्चस्व देखिएको छ । नेटफ्लिक्स फिल्मतर्फ १३ विधा र टेलिभिजनतर्फ २३ विधा गरी ३६ विधामा मनोनित छ । ए–ट्वान्टी फोर १२ विधामा मनोनित छ । सर्चलाइट र युनिभर्सल समान ९–९ विधामा मनोनित छन् ।

८२ औं गोल्डेन ग्लोब्स ६ जनवरी २०२५ मा आयोजना हुनेछ ।

फिल्म विधाको मनोनयन सूची

उत्कृष्ट मोसन पिक्चर–ड्रामा

द ब्रुटालिस्ट (ए ट्वान्टी फोर)

अ कम्प्लिट अननोन (सर्चलाइट पिक्चर्स)

कन्क्लेभ (फोकस पिक्चर्स)

ड्युन : पार्ट २ (वार्नर ब्रोज पिक्चर्स)

निकेल ब्वायज (ओरियन पिक्चर्स)

सेप्टेम्बर ५ (प्यारामाउन्ट पिक्चर्स)

उत्कृष्ट मोसन पिक्चर–म्युजिकल ड्रामा

अनोरा (नीयन)

च्यालेन्जर्स (अमेजन स्टुडियो)