काठमाडौं । सुदीपभूपाल सिंहले सात वर्षपछि कथानक फिल्म निर्देशनमा पुनरागमन गर्ने भएका छन् । सोमबार उनको आगामी निर्देशकीय फिल्म ‘श्री बुकुरो : द होम कलिङ’ निर्माण घोषणा भएको छ ।
सिंह अघिल्ला दुई फिल्म ‘माला’ र ‘रुद्रप्रिया’ले परिचित छन् । उनको पछिल्लो फिल्म ‘रुद्रप्रिया’ सन् २०१७ मा प्रदर्शन भएको थियो । फिल्म ‘श्री बुकुरो’ पारिवारिक कथावस्तुमा निर्माण हुने जनाइएको छ ।
टिजर पोस्टरमार्फत कथावस्तु र कलाकारलाई चिनाइएको छ । ‘फेमिली ड्रामा’ जनरामा बन्न लागेको फिल्मका कलाकारको लाइनअप पनि घोषणा छ । लक्ष्मी गिरी, आशीर्वाद क्षेत्री, निकिता आचार्य, प्रतीकराज न्यौपाने, रोशनी कार्की, राजन इशान, दीपिका थापा, लय संग्रौला, रामबाबु रेग्मी लगायतका कलाकारको फिल्ममा अभिनय रहनेछ ।
फिल्म रेञ्जको ब्यानरमा बन्न लागेको ‘श्री बुकुरो’लाई सञ्जय लामा र राजेश श्रेष्ठले खिच्नेछन् । रञ्जित गजमेर र वसन्त सापकोटाको संगीत हुनेछ । छायांकन मुस्ताङ, बागलुङ, कास्की, दमौली, मकवानपुर र काठमाडौंमा हुने जनाइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4