२०८१ मंसिर २७ गते १८:१७ 
२७ मंसिर, काठमाडौं । काठमाडौंमा जारी नेपाल प्रिमियर लिग एनपीएल क्रिकेटमा चितवन राइनोजबाट खेल्न बासिल हामिद नेपाल आइपुगेका छन् ।
हामिद बिहीबार साँझ नेपाल आइपुगेका हुन् । उनलाई टिमका अफिसियलहरूले विमानस्थलमा स्वागत गरेका थिए ।
३२ वर्षीय हामिदले यूएईका लागि ४८ ओडिआई खेल्दा १ हजार भन्दा बढी रन बनाएका छन् भने ४३ विकेट पनि लिएका छन् ।
त्यसैगरी टी२०आईमा ६१ खेलमा ७८१ रन बनाएका उनले ३८ विकेट लिएका छन् । सबैखाले टी२०मा ७० खेलमा ८५८ रन बनाएका छन् ।
उनले इन्टरनेशनल लिग टी२०मा एमआई इमरिरेट्स तथा टी१० लिगमा मोरिसभेल साम्प आर्मीबाट खेलेका छन् ।
हामिद चितवनले अनुबन्ध गरेको छैटौं विदेशी खेलाडी हुन् । यसअघि चितवनले इंग्ल्याण्डका लुक बेनकेन्सटाइन र रवि बोपारा, पाकिस्तानका सोहेल तनविर, अफगानिस्तानका हसन एइसाखिल, नामिबियाका जान निकोल लफ्टी इटनलाई अनुबन्ध गरेको थियो ।
प्रतिक्रिया 4