पोखरा र काठमान्डुलाई ‘नकआउट’ जस्तै खेल

२९ मंसिर, काठमाडौं । नेपाल प्रिमियर लिग (एनपीएल) मा बज दु२ चर्चित शहरको टिम काठमान्डु गुर्खाज र पोखरा एभेन्जर्सबीच प्रतिस्पर्धा हुँदैछ । टीयू मैदान, कीर्तिपुरमा बिहान ९ बजे सुरु हुने यस खेल दुवै टोलीका लागि ‘नकआउट’ खेल जस्तै हुनेछ ।

जित्ने टिमको प्लेअफको सम्भावना बलियो हुनेछ भने हार्ने टिमको प्लेअफ होड कठिन बन्नेछ ।

त्यसैले यस खेल दुवै टिमलाई निकै महत्वपूर्ण छ । यी दुई टिममध्ये एक टिमको मात्र ८ अंक सम्भव हुन सक्नेछ । दुवै टिमले समान ५ खेल खेलेका छन् । त्यसमा पनि समान २ जित र ३ हारबाट समान ४ अंक छ । दुवैले एकआपमसा खेलेपछि अन्तिम खेल खेल्न बाँकी नै हुनेछ । त्यसैले दुवै टोली आजको खेल जितेर प्लेअफ पुग्ने सम्भावना बलियो बनाउन चाहन्छ ।

काठमान्डु र पोखरामध्ये आज जित्ने टिमले आइतबार हुने आफ्नो अन्तिम खेल जितेमा प्लेअफ पुग्न सक्छ ।

आजै हुने चितवन राइनोज र जनकपुर बोल्टसबीचको खेलपछि पनि प्लेअफ समिकरण अझ प्रष्ट हुनेछ ।

आजको खेलमा चितवन जनकपुरसँग पराजित भएमा पोखरा र काठमान्डुमध्ये बाँकी दुवै खेल जित्ने टिम शीर्ष चार रहँदै प्लेअफ पुग्नेछ । प्लेअफका लागि धेरै खालका समिकरणहरु भएपनि पोखरा र काठमान्डुका लागि भने जितको विकल्प छैन ।

दुवै टोलीको नेटरनरेट पनि नेगेटिभ रहेको र अझ माइनस वान भन्दा तल रहेकोले राम्रो नेटरनरेटमा जित आवश्यक छ ।

कुशल भुर्तेलको कप्तानीमा रहेको पोखराले पछिल्लो खेलमा विराटनगर किंग्समाथि सुपर ओभरमा सानदार जित हात पारेको थियो । उता करण केसीको कप्तानीमा रहेको काठमान्डु दुवैले आफ्नो पछिल्लो खेलमा जनकपुर बोल्ट्ससँग हार व्यहोरेका थिए ।

आजको खेलपछि काठमान्डुले विराटनगर किंग्स र पोखराले सुदूरपश्चिम एभेन्जर्ससँग खेल्न बाँकी छ ।

खेल : पोखरा एभेन्जर्स भर्सेस काठमान्डु गुर्खाज

मिति र समय : २९ मंसिर बिहान ९ बजे

स्थान : टीयू अन्तर्राष्ट्रिय क्रिकेट मैदान, कीर्तिपुर

पोखरा एभेन्जर्स सम्भावित ११ : आन्द्रेस गौस, दिनेश खरेल, कुशल भुर्तेल, रेमोन रेइफर, म्याट क्रिटले, माइकल लिस्क, दिलिप नाथ, नारायण जोशी, विपिन खत्री, आकाश चन्द, सागर ढकाल

काठमान्डु गुर्खाज सम्भावित ११ : स्टेफेन इस्किनाजी, माइकल लेभिट, शंकर राना, सुमित महर्जन, जेरार्ड एरासमस, डान डौथवेट, प्रतिक श्रेष्ठ, रासिद खान, करण केसी, शाहब आलम, दिपेश कँडेल