२०८१ मंसिर २९ गते २१:४९ 
२९ मंसिर, काठमाडौं । भारतको क्यालिकट हिरोजले पहिलो पटक आयोजना भएको काभा मेन्स भलिबल क्लब च्यमाम्पियनसिपको उपाधि जितेको छ ।
शनिबार त्रिपुरेश्वरस्थित राखेपको कभर्डहलमा भएको फाइनलमा नेपालको हेल्प नेपाल स्पोर्ट्स क्लबलाई ३-१ को सेटमा पराजित गर्दै क्यालिकट हिरोज च्याम्पियन बनेको हो । केरलाको क्लब क्यालिकटले हेल्प नेपाललाई २५-२१, २४-२६,२५-१४, २५-१७ को सेटमा पराजित गर्यो ।
लिग चरणमा पहिलो खेलमै हेल्प नेपालले रोमाञ्चक खेलमा क्यालिकट हिरोजलाई ३-२ ले हराएको थियो । तर फाइनलमा भने क्यालिकट बलियो देखियो र फाइनल जित्दै पहिलो खेलमा व्यहोरेको हारको बदला लियो । सेमिफाइनलमा हेल्प नेपालले माल्दिभ्सको क्लब एचडिसी र क्यालिकटले इरानको यू-१८ जुनियर टिमलाई पराजित गरेको थियो ।
यही डिसम्बर ७ देखि काठमाडौंमा सुरू भएको प्रतियोगितामा नेपालका हेल्प नेपाल र गण्डकी प्रदेश गरी दुई क्लबसहित चार देशको पाँच टिमको सहभागिता थियो ।
प्रतिक्रिया 4