३० मंसिर, काठमाडौं । भारत भ्रमण सकेर नेपाली सेनाका प्रधानसेनापति अशोकराज सिग्देल स्वदेश फर्किएका छन् ।
भारतको स्थल सेनाध्यक्ष उपेन्द्र द्विवेद्वीको औपचारिक निमन्त्रणमा २६ मंसिरमा भारत गएका प्रधानसेनापति सिग्देल आइतबार स्वदेश फर्किएका हुन् ।
भारत भ्रमणका क्रममा सिग्देललाई २७ मंसिरमा राष्ट्रपति द्रौपदी मुर्मुले भारतीय स्थल सेनाको मानार्थ महारथीको दर्जा प्रदान गरेकी थिइन् । सिग्देल देहरादुनस्थित इन्डियन मिलिटरी एकेडेमीमा तालिमरत अधिकृत क्याडेटहरूको अन्तिम कवाजमा अथितिको रूपमा उपस्थित भएका थिए ।
उक्त तालिममा नेपाली सेनाका अधिकृत क्याडेट प्रवीण पाण्डे ३५ विदेशी अधिकृत क्याडेटलाई उछिन्दै सर्वोत्कृष्ठ भएका थिए ।
सिग्देलले भारतका रक्षामन्त्री राजनाथ सिंह, राष्ट्रिय सुरक्षा सल्लाहाकार अजित डोभल, चिफ अफ डिफेन्स स्टाफ अनिल चौहान र स्थल सेनाध्यक्ष द्विवेद्वी, रक्षा सचिव, विदेश सचिव लगायतसँग छुट्टाछुट्टै भेट गरेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4