काउलीको भाउ बढ्यो, च्याउको घट्यो

१ पुस, काठमाडौं । आज बजारमा तरकारी अनुसार भाउ घटबढ भएको छ । आज स्थानीय काउलीको भाउ प्रतिकेजी १० रुपैयाँको दरले बढेको छ ।

कालीमाटी फलफूल तथा तरकारी बजार विकास समितिका अनुसार हिजो प्रतिकेजी ८५ रुपैयाँमा कारोबार भएको काउली आज ९५ रुपैयाँ प्रतिकेजी पुगेको हो ।

यस्तै आज मुलाको भाउ पनि बढेको छ । हिजो २७ रुपैयाँ प्रतिकेजी रहेको रातो मुला आज ३२ रुपैयाँ पुगेको छ ।
रातो आलुको भाउ पनि आज बढेको छ । कालीमाटी तरकारी बजारका अनुसार आइतबार ५७ रुपैयाँ प्रतिकेजी मुल्य रहेको रातो आलु आज ६१ रुपैयाँ प्रतिकेजी पुगेको हो ।

गोलभेँडाको बजार भाउ भने आज स्थिर छ । आइतबार सानो लोकल गोलभँेडा प्रतिकेजी ५० रुपैयाँ र ठूलो भारतीय गोलभेँडाको मूल्य प्रतिकेजी ९५ रुपैैयाँ थियो भने आज पनि सोही मुल्य कायम छ ।

यस्तै च्याउको मुल्यमा उल्लेख्य कमी भएको छ । आइतबार ३२६ रुपैयाँ प्रतिकेजी औसत मूल्य रहेको डल्ले च्याउ आज २९० रुपैयाँ प्रतिकेजी औस मूल्य छ । यस्तै आइतबार प्रतिकेजी २०० रुपैयाँ औसत मूल्य रहेको कन्य च्याउ आज १८० रुपैयाँ तोकिएको छ ।

हेर्नुस् आजको मूल्य सूची