२०८१ पुष ३ गते १६:०५ 
३ पुस, काठमाडौं । जारी नेपाल प्रिमियर लिग (एनपीएल) मा कर्णाली याक्सका कप्तान सोमपाल कामीले लिगका प्रदर्शन र नतिजा भुलेर प्लेअफलाई नयाँ प्रतियोगिताका रूपमा हेरेर खेलेको बताएका छन् ।
चितवन राइनोजमाथि जित निकालेपछि त्रिवि मैदानमा सञ्चारकर्मीसँग कुराकानी गर्दै उनले यस्तो बताएका हुन् । जे जस्तो प्रदर्शन भएपनि प्लेअफमा नयाँ प्रतियोगिताका रूपमा लिएको प्रतिक्रिया उनले दिएका छन् ।
टस जिते पनि आफ्नो लक्ष्य ब्याटिङ गर्ने नै लक्ष्य रहेको उल्लेख गर्दै उनले यसअघि ब्याटिङमा राम्रो सुरुवात चाहे पनि त्यस्तो नभएपछि विकल्प खोजिरहँदा जयकिसन कोल्सावालालाई भित्र्याएको बताए ।
कोल्सावालाको अर्धशतकमा कर्णालीले चितवन राइनोजलाई १ सय ७६ रनको लक्ष्य दिएको थियो । उक्त रन पछ्याएको चितवन राइनोज १ सय ५४ रनमै अलआउट भयो ।
अगाडिदेखि नै नेपाली क्रिकेटबारे जानकार कोल्सावालासँग कुराकानी पनि भइरहेको पनि उनले खुलासा गरे । कोल्सावालालाई दिएको जिम्मेवारी अनुरूप उनले राम्रोसँग काम गरेको सोमपालको भनाइ छ ।
कुन खेलाडीले कति रन बनायो भन्नेकुरा ध्यान दिनेभन्दा पनि बोर्डमा कुल कति रन बन्यो भन्ने ध्यान दिएको उनको भनाइ छ ।
१६० रनको जति लक्ष्य बनाउने योजना बनाए पनि धेरै भन्दा आफू खुशी रहेको उनले बताए । लिगमा आफ्नो टोली प्लेअफसम्म पुग्दैन कि भन्ने चिन्ता समेत रहेको उनले बताए ।
प्रतिक्रिया 4