३ पुस, काठमाडौं। ललितपुर महानगरका प्रमुख चिरीबाबु महर्जनसँग इजरायलका राजदूत श्मुलिक एरी बासले भेट गरेका छन् ।
बुधबार पुल्चोकस्थित ललितपुर महानगरपालिकाको कार्यालयमा राजदूत बासले महानगर प्रमुख महर्जनसँग भेटवार्ता गरेका हुन् ।
भेटमा महानगरपालकिा प्रमुख चिरीबाबु महर्जनले सम्पदा संरक्षण, शिक्षा, स्वास्थ्य, वातावरण संरक्षणलगायतका क्षेत्रमा महानगरले गरेका असल अभ्यासका बारेमा जानकारी गराएका थिए ।
यस्तै नगर प्रमुख महर्जनले महानगरले अन्तराष्ट्रिय स्तरमा कोरियाको चेअरवान सहरसँग भगिनी सम्बन्ध कायम गरेको जानकारी गराउँदै कृषि, पर्यटनलगायतका क्षेत्रमा सहयोग आदान पेरदान गर्नेबारे सुनाएका थिए ।
जवाफमा इजरायलका राजदूत श्मुलिक एरी बासले ललितपुर महानगरपालिकाको विकास र समृद्धिका लागि इजरायलले सहयोग र सहकार्य गर्ने प्रतिवद्धता व्यक्त गरे ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4