५ पुस, काठमाडौं । यो साता सेयर बजार ३.१८ प्रतिशत घटेको छ । गत साता २६८२.२९ अंकमा रहेको बजार यो साता २५९६.८२ अंकमा झरेको छ ।
गत साता बजार १.९ प्रतिशत घटेको थियो । पछिल्ला दिनमा बजारमा खरिद पक्ष कमजोर देखिएको छ । यो साता एकदिन बजार बढ्दा तीन दिन घटेको छ ।
पहिलो दिन सोमबार ५१.३७ अंक घट्यो । मंगलबार भने २.९५ अंक बढेको थियो । तर, बुधबार ५.६० र बिहीबार ३१.४३ अंक घटेको थियो ।
बजार घट्दा कारोबार रकम समेत घट्दो देखिन्छ । सोमबार ५ अर्ब ७९ करोडको कारोबार भयो । मंगलबार ४ अर्ब २९ करोड, बुधबार ४ अर्ब २१ करोड र बिहीबार ४ अर्ब ७० करोडको कारोबार भयो ।
यो साता सबै सेक्टरका सूचक घटे । व्यापार समूह सबैभन्दा धेरै २.७३ प्रतिशत घटेको छ । त्यसपछि फाइनान्स सेक्टर २.३१ प्रतिशत घटेको छ । त्यसैगरी लगानी समूह १.९५, हाइड्रोपावर १.५२ र डेभलपमेन्ट बैंक १.२५ प्रतिशत घटेका छन् । बजारका शक्तिशाली सेक्टर बैंकिङ ०.८२ प्रतिशत घटेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4