२०८१ पुष ६ गते २१:४५ 
६ पुस, काठमाडौं । नेपाल आर्मी र एपीएफ क्लबबीच भएको मैत्रीपूर्ण पुरुष हक्की प्रतियोगितामा शनिबार आर्मी विजयी भएको छ । बंगलामूखीस्थित एपीएफको कार्यदलमा भएको खेलमा आर्मी २–० गोलले विजयी भयो ।
एपीएफले पुरुष टिम बनाएको सन्दर्भमा अभ्यास स्वरुप आर्मीसंग मैत्रीपूर्ण खेल खेलाइएको नेपाल हक्की संघकी महासचिव सुवर्ण श्रेष्ठले जानकारी गराइन् । नेपाल प्रहरीसंग पनि मैत्रीपूर्ण खेल खेलाइने छ ।
मैत्रीपूर्ण प्रतियोगिताको प्रदेश खेलकुद विकास परिषद्, बागमती प्रदेशका सदस्य सचिव दीपक लामाले एक कार्यक्रमबीच उद्घाटन गरे । सो अवसरमा हक्की संघका अध्यक्ष अनिल शर्माले सदस्य–सचिव लामालाई प्रशंसा पत्र प्रदान गरी सम्मान गरेका थिए । सदस्य सचिव लामाले हक्कीको विकास र विस्तारका लागि प्रदेशले सक्दो सहयोग गर्ने प्रतिबद्धता जनाए । कार्यक्रममा बंगलामुखी गणका गणपति सशस्त्र प्रहरी उपरीक्षक समिक कुमार महर्जनको पनि उपस्थिती थियो ।
प्रतिक्रिया 4