![](https://www.onlinekhabar.com/wp-content/uploads/2021/11/Dhangadhi-news.jpg)
२८ कात्तिक, धनगढी । प्रधानन्यायाधीश चोलेन्द्र शमशेर जबराको राजीनामा माग गर्दै सुदूरपश्चिम प्रदेशमा कानुन व्यवसायीहरुले प्रदर्शन गरेका हुन् ।
सुदूरपश्चिमका ९ जिल्लाका जिल्ला अदालत बार एशोसिएसन र २ वटा उच्च अदालत बार एशोसिएसनले प्रधानन्यायाधीशको राजीनामा माग गर्दै प्रदर्शन गरेको हो ।
कैलाली जिल्ला अदालत बार एशोसिएसनको अगुवाइमा जिल्ला अदालत कैलालीमा पनि कानुन व्यवसायीले एक घण्टा धर्ना दिएका छन् ।
जिल्ला बार एशोसिएशनका अध्यक्ष सिद्धराज ओझाले न्यायपालिकाको सुदृढीकरणका लागि प्रधानन्यायाधीशको राजीनामा माग्दै नेपाल बार एशोसिएसन केन्द्रीय समितिले गरिरहेको विरोधका कार्यक्रममा आफूहरुले ऐक्यबद्धता जनाएको बताए ।
ओझाले अगामी कात्तिक ३० गतेसम्म दैनिक एक÷एक घण्टा धर्ना दिने पनि बताए ।
प्रतिक्रिया 4