त्रिविले दियो कर्मचारीलाई दीर्घ सेवा पदक

२८ कात्तिक, काठमाडौं। त्रिभुवन विश्‍वविद्यालयले शिक्षक तथा कर्मचारीलाई आइतबार दीर्घ सेवा पदकबाट सम्मान गरेको छ ।

त्रिभुवन विश्‍वविद्यालयले निरन्तर २५ वर्ष वा सो भन्दा बढी सेवा अवधि पुर्‍याएका शिक्षक, कर्मचारीलाई मेडल तथा प्रमाणपत्रले सम्‍मान गरेको हो ।

गत वर्ष र यसवर्षका १ सय दुई जना प्राध्यापक र ९८ जना कर्मचारी गरी २ सय शिक्षक तथा कर्मचारीलाई सम्‍मान गरेको छ ।

चार आना सुन र एक तोला चाँदीले बनेको पदक र बधाईसहितको प्रमाणपत्र प्रदान गरेको त्रिवि परीक्षा नियन्त्रक पुष्पराज जोशीले जानकारी दिए ।

उनले भने ‘म लगायत दुई सय जनाले पदक प्राप्त गरेका छौं ।’ करीब ८० प्रतिशतले आजै पदक तथा प्रमाणपत्र ग्रहण गरेको जोशीले बताए ।

आइतबार कार्यक्रमको आयोजना गरेर त्रिविले पदक वितरण गरेको हो ।