मुस्ताङको लोघेकर दामोदरकुण्ड गाउँपालिका अध्यक्षमा एमालेका विष्ट विजयी

३१ वैशाख, काठमाडौं । मुस्ताङको लोघेकर दामोदरकुण्ड गाउँपालिकामा अध्यक्षमा पुनः नेकपा एमालेका लोप्साङ छोम्पेल विष्ट विजयी भएका छन् । अध्यक्ष विष्ट दोस्रो कार्यकालका लागि अध्यक्षमा निर्वाचित भएका हुन् ।

उपाध्यक्षमा पनि एमालेकै उम्मेदवार छिरिङ ल्हामो गुरुङ विजयी भएका छन् । ६८९ महितसहित विष्ट अध्यक्षमा निर्वाचित भएका हुन् । उनका प्रतिद्वन्द्वी नेकपा (एकीकृत समाजवादी)का देवबहादुर गुरुङले १८५ मत पाए ।

उपाध्यक्ष निर्वाचित गुरुङले ६४१ मत पाइन् । उनकी प्रतिद्वन्द्वी उपाध्यक्षमा नेपाली कांग्रेसकी लक्ष्मी गुरुङले २२५ मत पाएकी छिन् । लोघेकर दामोदरकुण्डमा ९८० मत खसेको थियो ।