२०७९ साउन ९ गते १३:१७ 
९ साउन, काठमाडौं । २० वर्षीय अथिङ मु वर्ल्ड एथ्लेटिक्स च्याम्पियनसिपमा ८०० मिटर महिला दौडमा स्वर्ण जित्ने पहिलो अमेरिकन महिला धावक बनेकी छन् ।
अमेरिकाको यरेगनमा भएको च्याम्पियनसिपमा मुले बेलायती धावक किली हडकिनसनलाई पछि पार्दै स्वर्ण जितिन् ।
मुले ८०० मिटर दूरी १ मिनेट ५६.३० सेकेण्डमा पूरा गरिन् । मु को टाइमिङ यस वर्षको वर्ल्ड लिडिङ टाइमिङ हो ।
ट्रयाक एण्ड फिल्डको व्यक्तिगत इभेन्टतर्फ ओलम्पिक र वर्ल्ड च्याम्पियनसिप जित्ने मु सबै भन्दा कम उमेरकी महिला खेलाडी समेत बनिन् ।
बेलायतकी किलीले १ मिनेट ५६.३८ सेकेण्डमा दूरी पूरा गरिन् । गत वर्ष टोकियो ओलम्पिकमा पनि मुले किलीलाई नै पछि पारेर स्वर्ण जितेकी थिइन् ।
प्रतिक्रिया 4