
काठमाडौं । अमेरिकी आइडलका फाइनलिस्ट अर्थर गनको नेपाल कन्सर्ट साउन अन्तिमदेखि सुरु हुने भएको छ । ‘टुबोर्ग होम कमिङ अर्थर गन’ नाममा हुने कन्सर्ट देशका सात सहरमा आयोजना हुनेछ ।
डेनिस बियर ब्राण्ड टुबोर्गको पहलमा नेपाल आउन लागेका अर्थर गनले काठमाडौं, पोखरा, चितवन, बुटवल, धरान, नेपालगञ्ज, काँकडभिट्टा लगायत सहरमा सांगीतिक प्रस्तुति दिनेछन् ।
अमेरिकन आइडल १८ औं सिजनको एक हिस्सा बनेपछि अर्थरको लोकप्रियता निकै बढेको छ । उनको सांगीतिक प्रस्तुतिलाई देखेर चर्चित अमेरिकी गायिका केटी परीले आर्थरलाई ‘हि इज द बेस्ट’ भनी प्रशंसा समेत गरेकी थिइन् ।
टुबोर्गले ब्रेन सर्भिसिङ र एमएन इभेन्ट्ससँगको सहकार्यमा उनलाई नेपाल ल्याउन लागिएको हो । गोर्खा ब्रुअरीका मार्केटिङ डाइरेक्टर आशिष विष्टले टुबोर्गको संगीतसँग लामो समयदेखि सम्बन्ध रहिआएको र सोही सम्बन्धलाई निरन्तरता दिंदै सांगीतिक प्रस्तुतिका लागि आर्थरलाई नेपाल ल्याउन लागिएको बताए ।
प्रतिक्रिया 4