२०७९ भदौ १४ गते १५:३३ 
१४ भदौ, काठमाडौं । केन्या विरुद्धको पाँचौ तथा अन्तिम टी-२० खेलमा नेपालले पहिले ब्याटिङ गर्ने भएको छ ।
नैरोवीस्थित जिमखान क्रिकेट मैदानमा नेपालले टस जितेर पहिले ब्याटिङ रोजेको हो । यसअघिका चारै खेलमा नेपालले पहिले बलिङ गरेको थियो ।
जसमा दुई खेल नेपालले लक्ष्य पछ्याएर जितेको थियो भने दुई खेलमा लक्ष्य भेट्टाउन सकेन । नेपाल र केन्याले दुई-दुई खेल जित्दा शृंखला बराबरी अवस्थामा छ ।
आजको खेल जित्नेले शृंखला जित्नेछ । नेपाली टिममा आज दुई परिवर्तन गरिएको छ । आरिफ शेख र शाहब बलमको स्थानमा विवेक कुमार यादव र वसिर अहमदलाई पहिलो रोजाईँमा राखिएको छ ।
प्रतिक्रिया 4