समयको तस्वीर

एउटा पार्टीको सभापति

अर्कै पार्टीको उम्मेदवार

न लाज, न सरम !

टाउकोको मूल्य तोक्नेहरू

र

मूल्य तोकिनेहरूको

एउटै साझा टाउको

अत्याधुनिक भारण्ड !

ऊबेला गाउँघरमा पानी बाराबार

मेलापर्म र परेली ब्रेकअप

जहाँ जो भेटियो

त्यहीं त्यसैको कत्लेआम

आजभोलि भागशान्ति जिन्दावाद !

टाउको टाउको एक

हातको मात्रै हात हालाहाल

बिचरा खुट्टालाई मात्रै सास्ती !

खल्तीमा पट्याएर

एउटा पार्टीको उम्मेदवारी

दर्ता गर्न जाने दौडमा

बेला लगभग बिताएर

अर्कै पार्टीबाट उमेदवार !

घर पोलेर खरानी

हाँकोडाँको चाहिं

घर छोड्दिनँ !

अहँ,

घरभित्रै बस्छु

हुनुपर्‍यो नि घर !

आफ्नै पार्टीको उम्मेदवारलाई

बलजफ्ती गलहत्ती

अर्काको पार्टीको विद्रोहीलाई

टोपी, फेटा र सिन्दूर !

पार्टीको टिकट

इष्टकोटको खल्तीमा

स्वतन्त्रको नौटंकी

अझै त्यही नौटंकीमा

साथ, सहयोग र समर्थन !

नाम स्वतन्त्र

हल्ला स्वतन्त्र

अनि फेरि पार्टी

दौरा न सौराको खल्ती !

धन्दा लुटतन्त्र

नाम स्वतन्त्र

आधा समर्थन एउटा गठबन्धन

आधा समर्थन अर्को गठबन्धन

नाटकीय निर्विरोध !

विरोधीको चर्को विरोध गर्ने

अर्को विरोधी भेटिए

त्यसैलाई समर्थन

लोकतन्त्रको अट्टाहास !

भजन नगाउने

विचार बोक्ने

र

आस्थाको कुरा गर्नेलाई

आफ्नै भए पनि

सत्तोसराप र पत्तासाफ

बदनाम समय !

आफन्तहरू कोटामाआफूहरू सुरक्षित
घुर्क्याउने प्राय: खत्रामा
कस्तो वैज्ञानिक वितरण प्रणाली
आफ्नै हात- जगन्नाथ !

विरोध वंश परम्पराको
व्यवहारमा त्यही कायम
स्वस्थानीका चार रोटी
जतिसम्झ्यो उति पीडा !

तीन पुस्तालाई

एउटै उम्मेदवार

चौरासीपूजाको तयारी

फेरि पनि उम्मेदवारी

लज्जाम् शरणम् !

काम स्वेच्छाचारी

बोलीमा खिसीट्युरी

झुटैझुटको पुलिन्दा

दम्भको हजुरबा !