२०७९ कात्तिक १६ गते ८:२७ 
१६ कात्तिक, काठमाडौं । नेपाल भलिबल संघले यू-२३ राष्ट्रिय पुरुष भलिबल टिम बनाउनका लागि २३ वर्षमुनिका खेलाडी छनोट गर्ने भएको छ ।
मंगलबार बसेको संघको कार्यसमिति बैठकले बंगलादेशको ढाकामा आयोजना हुने सिएभिए यू २३ पुरुष भलिबल प्रतियोगितालाई मध्यनजर गर्दै यू-२३ टिम बनाउन लागेको हो ।
त्यसैका लागि तीन दिन सम्म खेलाडी छनोट कार्यक्रम सञ्चालन गर्ने संघले निर्णय गरेको हो ।
पहिलो पटक सेन्ट्रल एसियाका राष्ट्रहरु सम्मिलित यू-२३ प्रतियोगिता ढाकामा आगामी डिसेम्बर २० देखि २७ सम्म आयोजना हुँदैछ ।
त्यसमा यसअघि नेपालले सहभागि जनाउने पक्का भएको संघले जनाइसकेको छ ।
खेलाडी छनोट कार्यक्रम यही कात्तिक २१ देखि २३ गतेसम्म राष्ट्रिय खेलकुद परियदको कभर्डहलमा हुने संघले जनाएको छ ।
संघले सबै जिल्ला, क्लबहरुका २३ वर्ष मुनिका इच्छुक खेलाडीलाई छनोटमा सहभागिता जनाउन समेत आग्रह गरेको छ । छनोटमा सहभागि हुने नागरिकता साध ल्याउनुपर्नेछ ।
यस्तै संघले बंगलादेशमै आयोजना हुने सीएभए महिला र पुरुष बिच भलिबल प्रतियोगिताका लागि पनि महिला र पुरुष टिमका लागि खेलाडी छनोट गर्ने जनाएको छ ।
बिच भलिबलको लागि पनि छनोट कात्तिक २१ देखि २३ गतेसम्म काठमाडौंमा हुने संघले जनाएको छ ।
साथै संघले सात वटै प्रदेश भलिबल संघका अध्यक्षलाई इन्डोर भलिबल र बिच भलिबलका लागि छनोटमा आफ्ना खेलाडीहरु पठाउन आग्रह गरेको छ ।
प्रतिक्रिया 4