बन्यजन्तुको आक्रमणमा ज्यान गुमाउनेको परिवारलाई २५ लाख दिइयोस् : गौतम

१२ फागुन, काठमाडौं । नेपाली कांग्रेसका सांसद संजय गौतमले मध्यवर्ती क्षेत्रमा हुने मानव र वन्यजन्तुको द्वन्द्वबारे गम्भीर हुन सरकारलाई आग्रह गरेका छन् ।

शुक्रबार बसेको प्रतिनिधि सभा बैठकमा विशेष समय लिएर बोल्दै सांसद गौतमले बार्दियाको मध्यवर्ती क्षेत्रमा बसोबास गर्ने जनताको जीवन कष्टकर रहेको बताए ।

बिहीबार मात्र बाघको आक्रमणबाट मधुवन क्षेत्रका ३ जना घाइते भएको भन्दै उनले उनीहरुको निःशुल्क उपचारको व्यवस्था गर्न माग गरेका छन् ।

यस्ता घटनामा ज्यान गुमाउनेहरुको परिवारलाई राहत स्वरुप कुनै समय १ लाख ५० हजार दिने गरिएको र अहिले १० लाख पु¥याइएको भए पनि यो अपर्याप्त भएको उनले बताए । उनले भने, ‘समय सापेक्ष बनाउन २५ लाख दिनुपर्छ ।’