राष्ट्रपति पौडेललाई चीनले दियो बधाई

२९ फागुन, काठमाडौं। राष्ट्रपति रामचन्द्र पौडेललाई छिमेकी मुलुक चीनले पनि बधाई दिएको छ ।

काठमाडौंस्थित चिनियाँ राजदूत चेन सङले सामाजिक सञ्जाल ट्विटरमा राष्ट्रपति पौडेललाई बधाई दिएका हुन् ।

उनले भनेका छन्, ‘नयाँ राष्ट्रपति रामचन्द्र पौडेलको सफल कार्यकालको शुभकामना। तपाईको नेतृत्वमा नेपाल र चीनबीचको मैत्रीपूर्ण सम्बन्ध थप विस्तार हुने विश्वास राखेका छौं।’