एमाले सचेतक बर्तौलाको प्रश्न : यो सरकार कसको हो ?

५ चैत, काठमाडौं । नेकपा एमालेका सचेतक महेश बर्तौलाले सरकार कसको भनी प्रश्न गरेका छन् ।

किसानले समयमै मल नपाएको, भूमिहीनले जग्गा नपाएको, युवाले रोजगारी नपाएको भन्दै उनले यस्तो प्रश्न गरेका हुन् ।

प्रतिनिधि सभाको बैठकमा बोल्दै उनले भने, ‘यो सरकार कसको हो ? यो सरकार कसको लागि काम गरिरहेको छ ?’

रसायनिक मलमा अनुदान कटौती भएकोमा उनले असन्तुष्टि जनाए । ‘किसानहरुलाई एक बोरा मलसमेत समयमै उपलब्ध गराउन नसक्ने सरकारले मलमा दिँदै आएको अनुदान कटौती गरेको छ । यो अन्याय कहिलेसम्म भोग्नुपर्ने हो ?’ उनको प्रश्न छ ।